काभ्रे । खानीखोला गाउँपालिका स्तरीय सोम्छा राष्ट्रपति रनिङ शिल्ड प्रतियोगिताला उपाधि कुमारी माध्यमिक विद्यालयसे डाबा मुला । प्रतियोगितारि कुमारी माविसे गोर चुन्नि (१२) स्वर्ण, गोर कु (९) रजत थेन गोर न्हि (२) कास्य लासि गोर न्हिच्युइसोम (२३) पदकला छ्यामर उपाधि डाबा हिन्ना ।
गाउँपालिकाला चोहो इन्द्रबहादुर थिङसे शिक्षा क्षेत्ररि परिवर्तनला महसुस ताना लाबा तिलाइ गे लाबा संकल्पसहित खेलकुद क्षेत्रला विकासला लागिरि विद्यालय स्तरीय राष्ट्रपति रनिङशिल्ड प्रतियोगितादा निरन्तर पिन्सेला सुङ्बा मुला ।
प्रतियोगितारि गोर कु (९) स्वर्ण, गोर ङ्हा (५) रजत थेन गोर न्हि (२) कास्य लासि गोर च्युइसे डु (१६) पदक डाबान जनविकास मावि न्हिच्छा ताबा मुबा बिसाम गोर न्हि (२) स्वर्ण, गोर न्हि (२) रजत थेन गोर न्हिा (२) कांस्य पदक डाबान बुद्ध मावि सोम्छा ताबा मुबा ।
खानीखोला गापाला प्राविधिक सहायक चक्रबहादुर थापासे प्रतियोगितारि गिक्छा ताबादा नगद १५ हजार, न्हिछा ताबादा १० हजार थेन सोम्छा ताबादा ५ हजार टाङ्गा छ्यामरि शिल्ड, मेडल थेन प्रमाणपत्रसे पुरस्कृत लाबा मुला ।
खानीखोला गाउँपालिकाला खेलकुद विकास समितिला संयोजक प्रेमप्रकाश लामाला अनुसार गाउँपालिका न्हाङरि गोर ब्रे (८) लोप्खाङसे बो किन्बा प्रतियोगितारि भलिबल, दौड, हाईजम, लङजम, त्रिपलजम्प, ज्यावलिङ, सट्फुट, कराँते लासि गोर ब्रे (८) विधाला ५९ वटा पदकला लागिरि ग्यार्जा न्हि बिमा ल्हाना लोप्बोनजुगुसे बो किन्बा मुबा ।