याम्बु । ज्योति विकास बैंकसे मिति २०८० चैत्र ५ गतेहेन्से ११ गतेदोना तेन्बा ग्लोबल मनि बिंक अभियानरि ल्होलो ग्लारि बित्तिय साक्षरता गेताङजुगु लाबा मुला ।
ग्लोबल मनि बिंक २०२४ ला “Protect Your Money, Secure Your Future” बिबा नुररि केन्द्रित तासि ब्योनवर्गरि रेङ्सि दोना बैंकसे ल्होलो साखाजुगुग्याम ह्युलला ल्होलो ग्लारि बित्तिय साक्षरता चेतना गेताङजुगु स्हेङ्बा हिन्ना ।
थे गेताङरि बैंकला प्रादेशिक थेन क्लस्टर गेदिमजुगुरि मुबा मुतेबा ल्होलो शाखा गेदिमजुगुग्याम्से थेनोन थुमला लोप्खाङ थेन कलेजजुगुरि आधुनिक बैंक लिंक, बैंक थेन बित्तिय संस्थाला मुख्य गेदिमजुगु, बित्तिय अनुसासन, तोबा थेन सेमजुगु, बित्तिय लक्ष्य, बचत, लगानि, खर्च, बित्तिय कारोबार, नगद रहित कारोबार, धितोपत्र बजार, बिद्युतिय ठगि, ओटिपी फिला ग्युइला छ्याम बिसयजुगुदा पोप लासि च्युइ बिमा ल्हाना तालिम थेन बित्तिय, साक्षरता गेताङ स्हेङ्बा हिन्ना । बैंकसे ग्लोबल मनि बिंकला दुइनाङ बैंकला सामाजिक संजालजुगुरि ल्होलो अडियो भिजिअल सामाग्रिजुगु छिपा थेन प्रभातफेरि गेताङजुगु स्हेङ्सि ल्होलो बित्तिय ग्राजुगु पिन्मुबा ।
थेआन्सार बैंकला चुह्राङ्बा गेताङजुगुसे बित्तिय साक्षरताला महत्वला फिरि जागरन बाबाला छ्याम जाजा दिङ्ला बिजाबुमो, ब्योनजुगुरि बित्तिय साक्षरता ल्हेना लाबा, थेन्दा बित्तिय निर्नयजुगु किन्सि लिउरि सक्षम नागरिक स्होबारि तोबा ग्युइ खाइबा, ब्यबहारसे ससक्त स्होबा उद्देस्यरि प्रस्ट योगदान ताना लाबा बैंकसे बिस्वास किन्बा मुला ।
ह्राङ्ला खुद नाफाग्याम नेपालरि दाते संचानरि मुबा स्यान्दो बैंक थेन बित्तिय संस्थाजुगुसे सामाजिक उत्तरदायित्वरि सामाजिक गेरि लाबा योगदान बिमा ५० प्रतिसत ल्हाना न्होर फेसि समाजरि उत्तरदायि दोबा चु बिकास बैंकसे नागरिकला सर्बोतम हितरि उच्च प्राथमिकतारि थान्बा मुला । संस्थागत सुसासनदा थोबोरि थान्सि ग्राहकवर्ग, कर्मचारि, नियमाक निकाय, सेयरफ्युक्पो, मुतेबा सरोकारवालाला हक हितरि योगदान पिन्बा ज्योति बिकास बैंक सातान प्रतिबद्ध मुला ।
ज्योति बिकास बैंकसे दाते १२१ शाखा गेदिम, ३ बिस्तारित काउन्टर थेन ७५ वटा एटिएम ग्याम्से बैंकिङ सेवा पिन्सिकेन खाचिमुला ।
