नेपाली कांग्रेस चतुराले गाउँ समिति, नुवाकोटला संस्थापक मुल्मि, ङ्हाच्छाला चतुराले गाउँ पन्चायतला गाउँसभा मुल्मि भक्तबहादुर ग्लान तामाङ ८० दिङरि डोङ्जि ।
बैशाख १८ गते ह्राङ्लान दिमरि डोङ्बा तामाङला डोङ्बा ल्हुइरि नेपाली कांग्रेस जिल्ला कार्य समितिला चोहो थेन बागमती प्रदेश सांसद रमेशकुमार महतसे पार्टीला दाज्र्यु (झण्डा) न्हान्सि श्रद्धान्जलि पिन्जि । सांसद महतसे दाज्र्यु न्हान्सि तामाङसे पार्टीरि पिन्बा सांगठानिक योगदानला कदर लासि पार्टीदा सशक्त थेन सुदृढ स्होसि बोर्सेला ताम थान्जि ।
नेपाली कांग्रेस ककनी वडा नं. ७ ला चोहो गुणराज थपलियाला आन्सार ङ्हाच्छाला पन्चायत दुइरि गाउँ पन्चायत मुल्मि दोबा थेन ङ्हाच्छाला चतुराले गाविस (दातेला ककनी गाउँपालिका–७ चतुराले) नुवाकोटला नेपाली कांग्रेस समितिदा ज्याना लाबा पिलर गुङ्ला गिक्खे मुल्मि तामाङला डोङ्बासे अपुरणीय क्षति ताबा बिसि पाङ्मुला ।
डोङ्बा तामाङ नातासे नेपाल पत्रकार महासंघ, उपत्यका प्रदेश महासंघ कार्य समितिला मुल्मि, सैलुङ अनलाईनला प्रबन्धक थेन तामाङ डाजाङ स्योस्यो, तामाङ डाजाङ अनलाईनला तेबा अर्जुनबहादुर तामाङला ज्योज्यो हिन्ना ।
श्रद्धान्जली सभारि वडाचोहो रामकृष्ण तामाङ छ्याम स्यान्दो नेताजुगु दोगाबा मुबा ।
डोङ्बा तामाङला ३ जा, ४ जामे मुला । थेदा बौद्ध धर्म रिम आन्सार अन्त्येस्टि लाजि ।