नाङ्बोदुगुला पेजाङ आरे
थेदुगुला स्हेसा आरे
कोङग्यातला दाक्पा साइ आरे
चाबा थुङ्बा तिकनो आरे
ओन्छ्याान ! माइ कुनु…
तिनिला कुनु
चु जाम्बुलिङरि
म्हिदा हुन्सारि
गोबोनकादेसे चेमा लाला
राङ राङला पार्टि लुङ्दार रेना लाला
नाङ्बोला मिनरि लुबा ताम लाला ।
ओन्छ्यान ! माइ कुनु…
थोपताङ्ला ताम लाला
ठामला ताम म्लेत्सिनाम
नाङबोकादे गिक तागे पाङ्ला
म्हिला का स्युप्सिनाम
ओन्छ्यान ! माइ कुनु…
केवानाङ ग्यात लासि
आयाङ्नि खाइमाइ
दाक्पा साइ थेन ङ्यान्ताम
तासाइनो कुटिसि
सेम लासि आलानि
न्हासि गोदोप दुङालला सेमताम ।
ओन्छ्यान ! माइ कुनु…
चु कुनु गादे खाजि निजि
एसे जेक्खे लुङ्दार लिप्जि
या रेजि जिन्दाबाद क्रिङ्जि
बिसाम खाइमाइ आस्याप्नि
नाङबो प्राङ्बोला थोपताङ
ओन्छ्यान ! माइ कुनु…
डुवर्स, अलिपुरद्वार, पश्चिम बंगाल, भारत ।
(नोटः चुरि माइ कुनु मइ दिवसला तामाङ दोःबा हिन्ना ओम चुसे तामाङस्या माइ बिसि नोन ब्यक्ति चरितार्थ लाबारि म्हाइबा हिन्ना ।)
