ज्योति बिकास बैंकसे मे पिडित दिमथेमेदा तोबा स्हे पिन्जि । महातरी जिल्लाला मटिहानी नगरपालिका वडा नं. ६ जरलहवागाछीला मे पिडित १२० दिमथेमेदा राहत स्हे पिन्बा हिन्ना ।
ज्योति बिकास बैंकसे मटिहानी नगरपालिका गेदिम थेन जिल्ला प्रशासन गेदिमतेन समन्वय लासि १२० दिमधुरिदा छ्योबा डस्ना थेन झुल पिन्मुला । बैशाख १२ गते मेसे क्षतिग्रस्त ताबा जरलहवा, गाछी नाम्साला पिडितजुगुला लागि बैंकसे चु स्हे पिन्बा हिन्ना ।
राहत बो लाबा गेताङरि ज्योति बिकास बैंक ग्याम्से जनकपुर शाखाला प्रबन्धक सुरज श्रीवास्तवसे मटिहानी नगरपालिका वडा नं. ६ ला वडाचोहो कलिम अन्सारिला ओन्छाङरि चु स्हे मे पिडित दिमथेमेदा पिन्मुबा ।
ज्योति बिकास बैंकसे ह्युलनाङ मुबा गेदिमजुगु ग्याम्से सरल बित्तिय सेवाला छ्याम गेन्दुनगत सामाजिक उतरदायित्व प्रयोजनला लागि ‘ह्याङ्ला बिकास प्रबद्र्धन कोस’ ग्याम्से जिम्मेवारपुर्न तबरसे नागरिकला आकस्मिक थेन आउदिन तोबा थुमरि उल्लेख्य थेन रचनात्मक ह्रो लासिकेन खामुला ।
ह्राङ्ला खुद मुनाफाग्याम नेपालरि दाते संचालनरि मुबा स्यान्दो बैंक थेन बित्तिय गेन्दुनजुगुसे सामाजिक उत्तरदायित्वफिरि सामाजिक गेरि लाबा योगदान बिमा ५० प्रतिशत ल्हाना न्होर फेसि समाजरिक्यार उत्तरदायि दोबा चु बिकास बैंकसे नागरिकला सर्बोत्तम हित सातान नोबा प्राथमिकतारि थान्मुला । गेन्दुनगत सुसासन थोबोरि थान्सि ग्राहकबर्ग, कर्मचारि, नियामक निकाय, शेयरफ्युक्पो थेन मुतेबा सरोकारवालाला हक हितरि योगदान दोना लाबारि ज्योति बिकास बैक सातान प्रतिबद्ध मुला ।
ज्योति बिकास बैंकसे दाते १२१ शाखा गेदिम, ३ विस्तारित काउन्टर थेन ७५ एटिएम ग्याम्से बैंकिङ सेवा पिन्सिकेन खामुला ।