साधु साधु ह्राङ्बा आहिन ह्यो दोला
पुलिस पुलिस आहिन तस्कर दोला
सिक्षक सिक्षक आहिन भिजिलान्ते दोला
डाक्टर डाक्टर आहिन जल्लाद दोला
छोङ्खेन म्लाङबजारि दोला
डोखेन कार्यकर्ता ह्राङ्बा दोला
कर्मचारिजुगुजा भ्रस्टचारि दोला
सोसक थेन सोसित गुङ्रि ह्वाङ ताला ।
अपराधिदा स्वतन्त्र तासेला मुला
निर्दोसदा ओस्सोन डुङ्ला
छोबा तिम्राह्राङ छोसेला मुला
खालाइ हार्सि फो नाख्रु म्याप्ला
चुह्राङ्बा चुह्राङ्बान चलप ताचिसेला मुला… !
दर्सन थेन नितिजुगु पोसेला मुला
निस्ठा थेन आस्थाजुगु चुङनिला
ह्युलदा दोङ्राप फ्यासेला मुला
इमानदारजुगुदा माङ्ग्यार स्युर्ला
मुतेबा थुमरि बिदेसि गुप्तचर स्याप्ला
चुह्राङ्बा चुह्राङ्बान चलप ताचिसेला मुला… !
ह्युल्बाला मतला रङ (मात) ल्हागतिसि
दर्सन, निस्ठा थेन नितिदा ख्लासि
ह्राङ्ला जिम्मेवारिग्याम ह्यार्सि
लुबाला खेति लाबा ल्होलो प्रपन्च स्होबा !
भ्रस्टचार थेन बेथितिला छोदारि फसतिबा
बिदेसिजुगुला इसारारिन रेन्बा थेन चिबा
चुह्राङ्बा चुह्राङ्बान ताबा लाला
नेताजुगुला देन्बान ह्रिक्पा न्होङमा लिच्छा !