सिङ्मार मिन्बा

सिङ्मार मिन्बा उरल्हाम्बा
थुबारि ङाइमि आखाम्बा
मिन्बा केर्पा म्लाङ तापा
पाना चामा च्यार पापा ।

गोन्डोल क्युङ्बा प्राक क्युङ्बा
उइमा आखेसे क सुङ्बा
आपा थोर्सम ल्हुइ थोर्ला
आमा थोर्साम ग्योइ थोर्ला
नाम्सा थोर्ला ह्युल थोर्ला
म्हेमे मामला ग्युइ थोर्ला ।

तामाङ खाइमा फेत छोर्ला
डाप चापा नामनाम पाच्छाकि
तामाङ ह्युल्बान आभागि
गादे लाजि छेम्हिङ आडानि
ताम्सालिङ एन आखानि
चु होइ नेपाल ह्युल्सारि
बिमा ह्राङ खाइमाइ अतानि ।

तिमाल, काभ्रे