ङ्यान्गोम !
ज्यागोन दिङ ह्यान्दे नाङ्सि थान्बा
नुप्ना लातोबा जातला
आनुप्पा ग्योइरि
खाइमाइ आम्हानालासि
आखे म्हेम्हेला शान
ह्याङ्ला ताङ्बा
जम्बुलिङ ठुङ्बाला
मे थेन क्युइ ठुङ्बाला
म्हि केवाला ताम
चेगाइला ताम
को म्हेन्दोला फोले ह्राङ्बा
जाकजाकबा तामकादे
एला काइरि
थेबारि खम्ला
ताम्बा ज्योज्यो ?
ब्रिबा डोबा तोर बोर्बान
म्हाङकादे क्योङ लाबारि
दिनम्हुन अबिना ब्राबा ब्योनकोल्ला
महँगिसे मु थुर्मा
ह्युलरि सोबारि आखम्मा
ह्युल ख्लासि मुगलानरि बोलबारि
बु फ्योस निबा
जेबा म्हेन्दो ह्राङ्बा कोलाकादेला
म्हाङ्ला दुङालसे
मे लुङ्सि टिबा चु सेम
च्योम ताना लाबारि
बेनानदा छोर्वा खाबारि
एला काइरि छ्यामनोन
व्हाइ कोबारि ताला
ताम्बा ज्योज्यो ?
दिङ, सेम, म्हाङ थेन
बर्खा, सेर्खा पोजि
तसाइ
ह्युलरि ग्लेठिम खाइमाइ पोआखम्जि
ब्लाप्पासे न्हाइबा चु ल्हुइदा
तागाइ जेगाइ बितासि
म्हाने गोन्बोदा बाङ ह्रिसि
लुङ्दर दज्र्युदा फ्रेङ्दासि
गाङला ज्योहो ज्योमोदा
को–म्हेन्दोसे
छ्योदो–छ्योदो लाबान
एला काइरि काइ
दोङबारि ताला
ताम्बा ज्योज्यो ?
दुङाल थेन ताङबा बिबामि
खाबा निबा ग्याम हिन्ना
ताङ्बासे ह्याङ्दा ख्लासाइनोन
दुङालसे खाइमाइ ख्लाआखाम
तिरेम सिबा चु केवा
सेम डिक्सि ल्होजि बिसामि
डम्फुला ताकधुइ–ताकधुइ भाकारि
ताम्बा ज्योज्योसे व्हाइ कोमा
दुङाल ताङ्बा चुराङबान हिन्न विसि
यारि या बामरि बाम
थुइबारि ताला
ताम्बा ज्योज्यो ?
काभ्रे ।