रेतोजि दारे

ताम्सालिङला जामे ए रेतोजि दारे
दिनिला होइसेर दोसि फेतोजि दारे ।

ह्युल्ला ठिमसे लेबा फेबा लामुला एदा
थोप्थाङ आयाङ्बा ठिम डेतोजि दारे ।

यारि हाङ्सु, थोबोरि डा, छाङ्से आहिन
गोजा, कडि, बम, टुबाक नोन खेतोजि दारे ।

कादे नाना आङाला ङ्याल्बारि बास
बम्बइला कोठि न्हाङ्से तेतोजि दारे ।

एला ल्हुइ रामेह्राङ चुङ्बा दलालिला
थोबो छेसि या काङ नोन बेताजि दारे ।

जासे थुङ्बा ङ्हे थेनोन स्या का थेनोन
आपाला अंश एदाइ बो फेतोजि दारे ।

मरिण गाउँपालिका–१, टुँडिखेल, सिन्धुली ।