ब्लाप्सि खाजि ङादा हुइ

ह्युलठिम ग्यालठिम लिच्छान ब्राजिम, फ्युक्पो काल्ल टाङगारि
प्राङ्बो क्लाङ्बा ग्लाआरे चुरि, साङगे एला ख्राङगारि ।

फ्युक्पो प्रङ्बो छ्यामनोन क्लाङमा, तिल्दा साङगे पेतोजि
म्हिल्हुइ क्योङ्लान गिनोन हिन्साम, तिल्दा साङगे फेतोजि ।

चु ह्युलसारि म्हिल्हुइ आहिन, म्हार म्हुइ टाङगा छेन्बो टिम
म्हेदो छार्बा चु ह्युल न्होङ्जि, स्हिक्के दारेम ख्योल्बा ठिम ।

क्यार्से निसाइ चु ल्हुइ क्योङनोन, मेला ल्हाम्से क्रोजिन्जि
चुर्से खासाइ चु ल्हुइ क्योङनोन, पुजु म्युङ्से ब्लोजिन्जि ।

क्लाङ्बा ग्लाछे मुसाम चुरि, नेसि नेसि क्लाङ्सेला
प्राङ्बोन तासि सोम्याङ्साइ नोन, चु सेम आउदिन ताङ्सेला ।

प्राङ्बो सक्नोन नेसि क्लाङ्बा, खाइमा खाला थेचा दुइ
चु ल्हुइ सोसि टिसितासि, ब्लाप्सि खाजि ङादा हुइ ।