ताजि ह्याङला ह्युलरि
स्थानिय चुनाब ताजि
दोलखारि कुलबहादुर तामाङ
काभ्रेरि नवराज पाठक
पिब्रतोङ सिजि ।
जाजा कोल्जुगुदा तिहार खादे खाजि
फिरफिर ताङसि छ्योङजि
ल्होलो पार्टिसे तेबा
ल्होलो चुनाबि व्हाइरि
क्रेप्सा क्युइसि क्युइसि स्याजि
आदे जेक्खेन खालाङ हिन्नोम
तोर्से दिमला ज्योज्यो थेबादेन
मर्से दिमला आकुनोन
दुच्छे बाहेकनोन लाजि ।
थन प्लाबा चुनाबि घोषणापत्र च्याजि
खाल्दा डाना लाइ खाल्दा ब्रेना
चुराङबा चुराङबान सल्लाह ताजि
चुनाबला दुइरि नेताला लिस्याल म्राङजि
ल्हास्सो ङादा डाना लाउ बिसि
दोसिन दोसिन पाङजि
खिम्ज्या खिम्ज्यारि मुइ, नाका थेन खसि थाजि
ख्वाबाला सम्मान ख्वाजि
बाडा नाङ स्या बोतोलनाङ आइरकरि
ज्याबा म्हि आहिन ह्राङला च्याजि
ताजि ह्याङला नाम्सा दिमरि चुनाब ताजि ।
कठिन गोजान थोजि
ह्राङसे ह्राङलान म्हि ङो आसेजि
दिम गिला आपा कोलान
ल्होलो पार्टि बिसि
ताम पाङबान ख्लाजि
डाबासे चुनाब डाजि
ब्रेबासे चुनाब ब्रेजि
चुराङनोन लासि चुनाब जिन्जि
ओन्छ्यान ! तोर्से दिमला आकुदेन
मर्से दिमला आफ्रेन मि
चु चुनाबसे लासि
दुच्छे बाहेकनोन् ताजि
आगोबासे लाममि
जहिलेन न फेजि
स्थानिय चुनाब
ङाला नाम्सा दिमरि
चुराङनोन लासि जिन्जि ।
काभ्रे