ब्रोइ म्ह्याङ्बारि देपेन रेजि नागिकादे
साङ्गुलला पोर फान्बा आरे
ट्वाइबारि हाजि नगिकादे
६०१ म्लाङ्कादेसे ह्युल्ला मिन चुङ्सि चाजि
ए ओलि, ए दहाल,
ए देउवा एनिकादेसे तिगा लाजि ?
म्लाङ्गाइ आहिन ङादाम
तार नागिन ज्याबा छोर्जि
तार नागिकादेसे नेपालदा ह्रोलासि हाजि
प्लेबा म्हाङ दिम ख्रेन्सि याम्बु पोगोलरि सिचिबा
म्ह्याङ्सि म्ह्याङ्सि चाबा याप्पारि देपेन रेसि सिचिबा ।
फो छोसि पेडो तसाइनोन
क्रास्यारि ज्याबा ताम आहामाहेन्सेम
तालागि आदा तामाङला कोलादा प्रधानमन्त्रि दोपुङ्तोजि
तार नागिला नियम कानुनरि झुर्सि प्लेसि तामाङला
कोलासे तिगाइ लाला बिसाम
ताम्सालिङ ह्युल्सा स्हेङ्मा याङताम बाउले
यदि ज्यार्दिसे चिसाम ।
नेपालला म्लाङ माकार बिमा र्फिक्यापला
तार माकार नोन ज्याबा मुलाले आमालोगो
तार माकारसे च्याजि बन म्लाङ माकारसे ह्राङला
दिम थेन म्हिला दिमदा सेला आपुङबा च्यागोले
आमालोगो ।
कोन्ज्योसोम गापा– २, संखु, ललितपुर