गजल

ल्हानान म्हि मेयर दोजिम स्थानिय चुनावरि
तिस हजारला फोन थोजिम स्थानिय चुनावरि ।

ह्युल्ला बिकास लाला मान्सि पिन्बा हिन्ना भोट
तासाइ चुरिम नेता छोजिम स्थानिय चुनावरि ।

‘याङ्ला बिमा ज्याबादा भोट’ नाराजा गतिलोन हिन्ना
खाल्से ख्वाबा थेलान जोजिम स्थानिय चुनावरि ।

चुनाव नाङ बिकासला पोरे थोसि ब्राबा कादे
चुनाव जिन्जि काइ पोजिम स्थानिय चुनावरि ।

ओदे ज्याना डिक्सि चिबा नाम्साबा कादे
ह्राङ्नाङरि दुस्मन सोजिम स्थानिय चुनावरि ।

रौतहट