तक्मारे स्योङ मार–मार हुर्सि ब्लोङबान निमा
सुखाबा सेम थेन ताइबा मिख्लि
ह्याङला बोर्सि निला बिसि
ढुक्क तासि चिबा आपा थेन आमाकादे
खाइ, बोर्जि ओम ?
च्याउ सेम आइला सेम
ज्याउ सेम आइला दिङ
थुर्सि च्याउ सेम ग्राम्बादुगु ।
आइसे ९० सालरि खाबा साङबुल नोन स्याप्चि
होरोङनुन ४५ सालरि खाबा साङबुल नो स्याप्चि
झन ७२ सालरि खाबासेम होङमादोना होङजि
होदे तामाइ नोन
ना आइला दुःख बोर्जि ना ताइबा मिख्लि बोर्जि
च्याउ सेम तक्मारे स्योङ होस्पान मुला
लनि थेन दिनि होस्पान मुला ।
म्हानेगाङला हिक्कि थेन मान्डाङ राब्सि चिजिमुला
होजु ग्याम आइथेन प्रेनुन ब्योन दोजि
तिनि–न्हाङगार आइथे प्रेनुन खोप्पा दोबन मुला
तक्मारे स्योङ च्याउ सेम
युङबा कादे छारबार माइजिरो
साप्रा कादे लेप्पार खाम्जिरो
होदे तामा नोन खाइ
आइ थेन आइला कोलादुगुला तिङ–सेम
ब्लोसि चिमुला रो
सुखासिन चिमुलारो
ल्होछार खामा नोन आताङमुला रो
डम्फु राप्सि पेङदोर्जेला ह्वाइ
थाइलामा नोन आताङमुला रो ।
दिम न्हाङरिन चिसि
न्होङबा जिला थाङ
नारि ठ्याक्क थुर्माखेरि
तोर्से पट्टिला दिमला गाल द्याम च्यासि
आइला लुङदारला
मोक्कोन छोन न्हाङरि
ताम्सालिङला म्हाङ म्राङसि
खाइ खाइमादोना सोसाइ
चु तक्मारे स्योङला आज्याबा राप थाइबान ।
चैन्पुर न.पा.–४, कोक्सा, संखुवासभा