बार्खारि लाबा नामसे ह्राङ
बिजोग च्यासि चिआहाम
खाङ्बा, ख्रेन्बा, फुइबारि
दोतोला मलम पट्टि थोसिमाम
ताइबा ङा क्युइ आहिन
मे दोसि ब्राला लुङ्सिमाम
आम्हेर ङा युङबा ह्राङ
चिला लुङसुर दोसि चाल्दिसि ।
ज्योमोलिङ, ताम्सालिङ थेन बोइलिङसे
डिक्सि गोङ्मा आलेसाम
आयाङ चाबा चिसिमाम
आजिन गेदा आलासाम
प्राङ्बो थेन फ्युक्पो नाङ्ला ह्वाङ (खडाल)कादे
ब्रामुला ङा लुबारि बिसि
आम्हेर ङा युङबा ह्राङ
चिला लुङसुर राङनोन चाल्दिसि ।
आब्रानि ङा थेराङबा
ग्यालाम थेरि हजार मुला
आचुङनि ङाला स्वाभिमान
थेला बजार मुला
दोतोबा मुला दोखाङ दोना
हल्लाकादेदा क्यारमार थान्सि
आम्हेर ङा युङबा ह्राङ
चिला लुङसुर राङनोन चाल्दिसि ।
म्रादोला ङाइ नाङसालकादे
ब्रामुला म्हुनादा क्लोदोला बिसि
ङ्योइदोला ङाइ छार ङेमाला होइसे
बेनान याङकादे डिक्सि
ब्राला ङा लाङ्बो (हात्ती) ह्राङ्नोन
गाङकादे राङ्बा गुर्सि
आम्हेर ङा युङबा ह्राङ
चिला लुङसुर दोसि चाल्दिसि ।
बागमति गाउँपालिका–५, इकुडोल ललितपुर