डाजाङसे स्हेङबा ग्योइकाइ ल्हाम
म्हेमेला ग्याल्सा कोर्सि गोसि म्हाइमामि
म्हेमे खेङ्हाला तामथेमु
दाङबोला म्हेमे खेङ्हासे ।
ह्रुइबाला गन्दिग्यामसे ह्रुइथान्जिम
मोक्तान, योन्जन, घिसिङ, बल थेन ब्रोक्चन
ब्रोक्चन म्हेमे बोइरिन फेप्जिम
बल म्हेमे तेमाल ह्युलरि फेप्जिम ।
घिसिङ म्हेमे तालज्यु ह्युलरि फेप्जिम
म्हेमे सोम फेसि सेमा हेन्दे
मारमार फेप्खामा ब्रारि स्ह्याप प्लेजिम
गोपच्यु योन्जन ह्रेम्पोछेसे ।
ह्राङला ग्युइला बाङसे
ह्राङसेन क्वोन्बा छ्युबासे
स्ह्याप प्लेबा ब्राथासि ग्याम स्हेङसि
थेर्सेइ मारमार फेपखामा ।
ग्यामरि थुङबा क्युइ आयाङनिम
स्यापच्यु मोक्तान ह्रेम्पोछेसे
ग्रेन ग्युइलास म्हार्ला फुर्बासे
ब्राफ्रेसि क्युइ तेसि सोल्जिम ।
थेर्सेइ मारमार फेप्खासि
मोक्तान म्हेमे आन्तरबुङरि दानछ्याजिम
योन्जन म्हेमे टान्गामरि दानछ्याजिम ।
सिन्धुलि