म्हेमेला दुर्सा

कोला ङामि तेमालला
गाङरि टिसि च्यापा ङाइ
गन्दि रोशि ब्योङ्जि स्हयोलोलो ।

तेमाल डापसाङ ककानि
ग्ला ग्लारि तामाङ ग्ले
जाम्बुलिङरि ठाम्जि ह्रोलोलो ।

थाजिम दगुर याबेङरि
ह्रिन्छेन दोर्जे म्हार स्योङरि
दुङालसे चेप्जि रानि ग्योइरि ।

ह्राङ ह्राङ टोटो ताजि ह्याङ
बिमा ह्राङ ह्याङला आताजि
तामाङ ताजि म्हिला तहारि ।

चरिला कमाइ दोङला नाइ
कातेन कोसे ग्येखे व्हाइ
छार दिङरि लोब्पा क्योलोलो ।

मर्से च्यामा मावार गाङ
तोर्से च्यामा ज्योमो गाङ
तेमाल गाङरि लाबा होलोलो ।

तेमाल मावार साइलुङ गाङ
लाप्साङकर्पाे सेर्माथाङ
तामाङ ह्युल्सा कोर्पा कोरोरो ।

जालि टिजि चे चेरि
तामाङ ताजि ब्ले ब्लेरि
डान्सि बामाम मिख्लि फ्रोलोलो ।

काकलिङ पेरो हुर्तागाङ
दाङपो म्हेमेला दुर्सागाङ
ह्युल्पासे म्हाइजि क्योलोलो ।

तेमाल–५, गोर्पा काभ्रे