64
एला दिमरि हाबा ग्याम डुइसे फुप्पा ह्राङ ताजि
एदा पिन्बा ङाला सेम छाङरि च्युप्पा नागा ह्राङ ताजि ।
स्यान्दो हालाइ आयाङना एदान पिन्बा ह्राङ ताजि
सेमला छोदा आटाङसाइ ग्याम जिन्बा ह्राङ ताजि ।
बोमो लासि बाङसि बाङसि सेम किन्बा ह्राङ ताजि
फे आहाम्नि म्हाङदेन ङोन्छाङ गिक्खेन हिन्बा ह्राङ ताजि ।
ङामरि मुसाइ एला नाम्सा ङादा थारेङ ह्राङ ताजि
तोरसे मारसे च्याबा मुला ब्राबा ग्याम आरे ह्राङ ताजि ।
चोन चोन निसि लोग लोग धारमा ब्ला म्हाबा ह्राङ ताजि
सेमरि ल्हानान ताम क्लाङबा ङामि मान चाबा ह्राङ ताजि ।
कोरना कोरना दिम म्लेबा स्योङला बुलुङ ह्राङ ताजि
पुजुसे घाप्सि डुइरि ह्रोबा दोङला पुलुङ ह्राङ ताजि ।
एला दिमरि हाबा ग्याम डुइसे फुप्पा ह्राङ ताजि
एदा पिन्बा ङाला सेम छाङरि च्युप्पा नागाला ह्राङ ताजि ।
नगरकोट, भक्तपुर
