55
0
Shares
चु ल्हुइ ह्याङ्ला मुना मुना
ए ङा थारेङ तासम
सेमरि चेगाइ ताना ताना
म्लेला आदे (ग्रान) कसम ।
चेगाइ मुसाम एला सेमरि
ङा ग्याम थारेङ आनिउ
सेमरि माया एदान मुला
एसे थेराङ आबिउ ।
केवारि खाइमाम थारेङ
खाइमाम ङामरि ताला
म्लेसि आब्रा एला चेगाइ
सेमरी डान्सि ब्राला ।
सेम न्हाङहिंन्दे पिन्न चेगाइ
तिङरि जोर्सि थान्गो
ङाला चेगाइ थारेङ आहिन
खाइमादाम्मान ङामरि म्हान्गो ।
सिसि निसाइ म्ले आखाम ङाइ
ह्याङ्ला देन्बा चेगाइ
अजर तागाइ अमर तागाइ
सम्से म्हान्बा चेगाइ ।
चु चेगाइरि लाबा खासाइ
थारेङ खाइमाइ आबोरगाइ
म्बुलिङरि केबा किन्गाइ
चेगाइ मुसाम एला सेमरि ।
घ्याङलेख गा.पा. ५, रामपुर बजार, सिन्धुली
You Might Also Like
0
Shares
