ब्योन : बुढाखानि बनखु गोकुलेधाप
ए ङाला आतना सेमरी राप
कोख्जोर स्योङ्ला छाप जङ्गार
सेम ङाला क्रोजि तिनि न्हाङ्गर ।
छामे : सिन्धुली ,टुडिखेल ,बेतपानी
ए ङाला दिमनाम आतानि
मारिण स्योङ्ला महेस्वता छाप
ङालाइ मुला सेमरी राप ।
ब्योंन : समय बेला दुइ निजी
गाङ्साल दिङ सुइ निजि
दिम ङाला भोटथुम बन्दिपुर
दिमनाम स्होइले तिला मुला सुर ।
छामे : ङान्नाम रामपुर पुल ङामरि
बाँडासे स्होबा म्हार डुङरि
कोख्जोर स्योङ्ला तारङला कुर
दिमनाम स्होबा ङालाइ सुर । ।
ब्योन : चु खाबा मंसिर महिनारि
ङा खाला एदा ह्रिबारि
कोल्टार तोरसे मारिण शिर
थलाउ मैच्याङ सेमरि पिर
छामे : मरिण क्याम्साङ नक्कलि
ङाला माया मुला सक्कलि
पोलोम थुबा गाप डिक्सि
लाला ए ङा छ्याम डिक्सि
ब्योन : ज्योल्लाम जन्ति लाजिन्जि
दिमनाम ज्याबा तजिन्जि
धमिले क्याम्साङ खयरसाल
ब्रेल्साङ लाबा ङला पाल ।
छामे : लादम फलफुल छोग थान्न
ङाला माया एदा तोक पिन्न
मार मार चुरे ह्रि न्हाङरि
माया ताजि लाखौ म्हि न्हाङरि ।
ब्योंन : खारेरि क्वान्बा गलबन्दि
मारमार मधेश लालबन्दि
सुर्तिला छोङ लाबा ग्यगरसे
दिमनाम आता यागरसे ।
छामे : खारेरि क्वान्बा म्हार सिक्रि
थालाउ एसे पिर फिक्रि
ए ङाला दिमनाम स्होतोला
ल्हुइनाङ छ्याम नोन ब्रतोला
ब्योंन : आइराग सगुन सोलिरि
एदा युसि बोर्ला डोलिरि
जोबन च्याबा छार ऐना
रुमाल तागाइ एदा बैना
छामे : रुमाल पिन्जि एसे बैना
दिमनाम स्ह्योइलोम तिदा गाइना
ए ङाला दिमनाम स्होतोला
ल्हुइनाङ छ्यामनोन ब्रतोला
