कोन्ज्योसोम गाउँपालिकारि नेपाल तामाङ घेदुङसे गाउँपालिका स्तरिय संगठन ल्हेना लाजि ।
सूर्यबहादुर लामाला चोहोदानरि कु मुल्मि लामा घेदुङ, रामबहादुर स्याङबो तामाङला चोहोदानरि ११ मुल्मि बोम्बो घेदुङ स्होबा मुला ।
चन्द्रबहादुर ग्लान तामाङला चोहोदानरि ७ मुल्मि ताम्बा घेदुङ, रिता थिङ तामाङला चोहोदानरि २५ मुल्मि महिला घेदुङ स्होबा मुला ।
विजय ग्लान तामाङला चोहोदानरि १७ मुल्मि युवा घेदुङ स्होबा मुला ।
गेताङला ग्रेनडोन्बो नेपाल तामाङ घेदुङ संघिय समितिला सचिब बेलबहादुर लुङ्बा तामाङ मुबा बिसाम चोहोदान ललितपुर घेदुङला ङ्हाच्छाला जिल्ला मुल्मि कृष्णमान स्याङ्बो तामाङसे लामुबा ।
गेताङला डोन्बोरि कोन्ज्योसोम वडा नंं ३ ला वडाअध्यक्ष तिलक बम्जन, घेदुङला भाषा, लिपि तथा साहित्य विभागला सचिव कृष्ण बल तामाङ, कतार घेदुङला महासचिव भिम स्याङबो, महेश ग्याबा तामाङ, सरोज ग्लान, कोन्ज्योसोम वडा नंं १ ला चोहा सन्तलाल लामा तामाङ मुबा ।
स्यान डोन्बोरि ललितपुर घेदुङला उपाध्यक्ष छिरिङ लामा, ललितपुर घेदुङला महिला उपाध्यक्ष मिङ्मा लामा थेन ललितपुर घेदुङला सचिव ज्ञानबहादुर थिङ तामाङ, कोन्ज्योसोम वाङ्मय प्रतिष्ठान मुल्मि वेलबहादुर घिसिङ मुबा ।
गेताङला संचालन हिरामाया घिसिङ ‘कुसुम’से लामुबा ।
