तामाङ पाङसि ङोसेना लाथान्जिम
ह्राङनोन हिन्ना बुद्धिमान म्हेमे
तिनि तामाङ ल्हानान ताङबा मुला
ह्राङला मिन लिच्छा तामाङ थान्बा
म्याङबारि केवा रेला ज्याबाम्हान्बा म्हेमे
तामाङ लिपि थेन ग्योइकाइला
जन्मदाता ह्राङनोन हिन्ना
हिन्ना बुद्धिमान म्हेमे
तामाङसे हाइमाइ आम्लेबा उपहार
चिनो ख्लासि थान्स्युबा
ह्राङनोन हिन्ना बुद्धिमान म्हेमे
चु नोन केवा रेला दुइसाङरि
केवा रेला ज्याबाम्हान्बा म्हेमे ।
अठारऔ शताब्दिरि भविश्यला सन्तानदा
तामाङ लिपि थेन ग्योइकाइला ग्यालाम ओन्सि
थान्स्युजिम ह्राङनोन हिन्ना बुद्धिमान म्हेमे
न क्युइसे स्याल्सि निला
न देब्सि देब हाम्ला
थेनोन हिन्ना छान तामाङ
ह्याङला हिगि थेन ग्योइकाइ
ओय तामाङ दोङरापला पाना
ओर्सि च्यामा म्राङजि बुद्धिमान म्हेमे ।
कोन्ज्योसोम गा.पा., ललितपुर