खाउ दोर्जे
चु काकलिङरि चिसि च्यागे
ए थेन ङाला म्हेमेला आङ्सि स्हेङ्बा
बाब्साला म्हेलुङ
म्हाइगे थेरि
अपहरित दोङरापला ब्ल
खालाङए म्राङ्ला कि ह्रयाङ्से
पिपा, हुक्के थेन छाते म्हेमेगादेला
अभिशप्त बैंशला लेपलेप डोबगादे ?
बन्धकरि ताबा म्हाङ तेबारि
ल्हुइनाङ टुला दोइ खिसि
ढाक्रे म्हेमेगादेसे
ज्योम्बा ङोला थे डोबगादेग्याम
कादे ब्योङ्न लाताला
अभावला सुनकोशी ?
अझन थे अभिशप्त सुनकोशीगादेरि
ब्लुम्सि चिबा ह्याङ
खाइ तिगासे क्रेबारि खाम्सेला
स्वभिमानला चोमोलुङ्मा ?
खाउ म्हारमेन †
चु पुर्गाङरि चिसि
दुर्साला मेफ्रा थाङनागे
दोप्पा दोङरापला खोपिगादेरि चारचार डेबा
कुमारि माम्गादेला
लेपलेप काला थाङ वा खाला कि ?
बलात्कृत कुमारि मामगादेला
लेपलेप का ब्यार्बा
चु हिंस्रक दुइला ज्योइ दाङसि
तिगा ह्याङ्से डाबारि खाम्लासेम
अस्तित्वला लडाइ“ ?
हिन्ना दोर्जे
हिन्ना म्हारमेन †
ङादा विश्वास मुला
क्रेसेला मुला ह्याङ
स्वाभिमानल चोमोलुङ्मा
डासेला मुला अस्तित्वला लडाइ“
तासाइ थे बिमा ङाच्छा
गोर्कि ताम तादोला ह्याङ्तेन
दारेम स्हेङ्तोला कुमारि माम्गादेला लेपलेप कासे
ह्याङ्ला मस्तिष्कला डेङनाङ
काकलिङरि स्हेङ्बा म्हेमेगादेला आङ्सि
तादोला ह्याङ्तेन
प्रतिरोधला मेदाङ म्राबा गोर्कि छोर्बा मस्तिष्क ।
(मुक्तान थेबा गोर्कि सशक्त व्योन ह्वाइखा ब्रिखेन हिन्ना । उन्मुक्त पुस्ताला मिनग्याम दात्ते आदिवासि जनजाति, महिला, दलितसम्बन्धी दिन दाङ्सेन ह्वाइखाला आन्दोलन चलाइदिबान मुला । ङानिसे डाजाङला चु बोरि ह्रोला ह्वाइखादा थान्बाला मुला ।)