तेमाल

अर्सेला तेमाल ङा निमा
कानपुर पेरो कोटरि खान
काल्मटि ङामरि ज्योहो थान ।

छेतेन खान्पा डा छोरि
याङ्पेल दिरि ग्येलोङ उ
ग्येलोङ उमि ब्रा जोरि ।

तोङ्सुम कुण्डा उ न्हाङरि
गुरुपेमाला कु स्हेङ्जिम
दाङ्पो म्हेमेला पे स्हेङ्जिम ।

काकलिङ पेःरो ग्योइखर गाङ
ग्योइखर गाङरि नारान थान
नारान थानला ह्रि न्हाङरि
सिङ्गोन खास्योर न्हामोबुध्द
गादे ज्येना स्हेङ्जिम तोक जेना ।

लुङ्ता दाज्र्यु दिम दिमरि
फ्रेङ्पाला डिसि व्हारारि
ख्युरुरु मुपा ह्रि न्हाङरि
कर्बिजा सिङ्कारा रोपा टिम
पाडाला म्हेन्दो सार्पा टिम
तामाङ ह्युल्बा छोपा टिम ।

तेमाल गाङ्ला ह्रि कोर्मा
दोङ्ला नमे हुर फ्याङ्जि
ह्राङ्ला रिमठिम म्राङ्तासि
चु सेम ङाला फुर ताङ्जि ।

सुनपाती–४, डहु, रामेछाप । दाते ः खोपोङ