साइलुङला पाठाप म्हावारला ख्रिन
ल्होलो ग्लारि ल्होलोन मिन
तेमाल गाङरिम बिमुला रिन ।
कादेन खाबा टिम रिनला मिन
छ्युकु रिन, क्रे रिन, थोङ स्होबा रिन
खालाइ खालाइसे बिपा टिम सिन
पाठप, रिन, ख्रिन, सिन बिसाइ
तिल्दामान बिसाइ रिन नोन टिम
सिसाइ सोसाइ तोबा रिम ।
गाप्तारि सल्कि खोपरि रिन
दाङबोला म्हेमेसे सुङथान्जिम
रिननान दलि म्या स्होजिम
क्लाङ्सि म्हेमेम चान दोजिम
माना छेमा थोङ स्होजिम
थासि चिङ्कि छाइ नाजिम्
छाङ एन राजिम ब्यो राजिम ।
बेङ्गे बेजाङ छुर राजिम
नाख्ले मिन्दि पेजा राजिम
फोरे बुत्दुर स्हेप राजिम
गुन्दुरुङ राजिम स्हे सोजिम
फान्ते ल्हाप्तेरि गुम राजम
ह्याङ्ला म्हेमेसे कादे छार्जिम ।
चित्र राजिम् ब्राङ स्होजिम
दाङ्बोला म्हेमेसे जाङ स्होजिम
तामाङ ह्युल्बा कादे छोजिम
म्हेसुङ सोलि ज्योन स्होजिम
दर्लिङ जाङजिम ताल युजिम्
म्हेमेला स्हिकारि कादे छुजिम ।
सादुन राजिम बेसा खोजिम
युङ्बा तेजिम कादे खोजिम
सेम ताङ्बाला दिम स्होजिम
रिननान काङकाइ छार स्होजिम
राङ्गारि माम्सेम थोपो रेजिम
च्याकोले रिन मि म्हार दोजिम ।
रिननान डाडु ङ्हेछलि तार
रिननान स्होजिम कादे छारछार
साक्नोन दोजिम आदोजिम हर ।
पोखरि नारायणस्थान–३, काभे्र