घोषणा

ङान्छे तो कुरिसे छेप्माहेन्से
साप्रा म्हार दोला ।
ङान्छे छिनो थेन हथौडाग्याम
चुह्राङबा जादु उन्ना कि
थेग्याम्से क्युइ बिजुलि दोला
ओम जतिन ह्रेङबा मुगाइ ग्यालाम
थेदा ङान्छे च्युप्ला मुठिरि ।

ङान्छे आउजार थिजि बिसाम
म्हिजुगु डाङडोङ रेला
नोबा नोबा गाङ कुर्ला
ङान्ना कदमला ङ्हाच्छा ।
ङान्छे स्वतन्त्रला जग थान्जि
तोजि बिसाम थिबारि खाम्ला ङान्छे टुबाकए नोन
टुबाक गिक्खे औजारगा हिन्ना
टुबाकसे ङान्ना स्वतन्त्रता ब्यान्बा मुला ।
ङानि उजुर आला
फैसला लाला ।
दो:बाः अगाध