गजल

हिन्बा ताम पाङबारि ब्रिगु आस्याङ मान्जि दारे
थे गाङहोपला नाइबा ताम पाङनोन आपाङ मान्जि दारे ।

योनायोना कुलुक कुलुक छ्योङबा मुला तिगदामन
ताकादेदा बल्बुकाङ ताङनोन आताङ मान्जि दारे ।

गालन्हाङरि जे चिबादा दिनिला लि थानोन आता
दोपदोप्पारि मेथाङसे चेक्खेन अम्राङ मान्जि दारे ।

लोकलोक दार्सि ब्रिबा या दुइहोइसेरतेन छ्योङआखाम्नि
थे दुइ थेन राप देपिसमाम नाङनोन आनाङ मान्जि दारे ।

निजिन्बा ताम छार आहिन दोसि पाङसि आतानाम्ले
स्योङम्लेतोनाम थे दुङाल लाङनोन आलाङ मान्जि दारे ।

काभ्रे