तिग्दा छुम्सि थान्बा तिग्दा ओर्सि आपाङ्बा म्हेमे
लोप्पा ग्यालाम तिबा आरे एला छेकुनसे सान्गोले म्हेमे
एला म्हेमेसे पिन्बा ताम सोना लातोला बिसाम
एसे ताम ओर्सि छेकुनदा बो लासि पिन्गोले म्हेमे ।
खेप्पा दोबा दुइरि तिगादमान ताला हाम्ला म्हेमे
ताम्बाला डम्फु बोन्बोला ङ्हा लामाला गोइला अस्तित्व आदा
एला बोदाइ ताबा बोवाइदा ब्लासि पिन्गोले म्हेमे
एला ग्युइ एला ताम एसेन ख्राङ्सि र्बोलागा म्हेमे ।
तिल्मा एसेन पुइबा मुबा बेबारे ह्युलरि एला म्हेमे
एच्चा सिमा आल्से पुइला स्वार्गरि म्हेमे
कोलेसे कोलेले एला ताम म्लेसि निबान मुला म्हेमे
थाहा मुला म्हेमे एदा खाप्पाइ दुइरि स्युइबालाबा
अताङना सिबा रे आडान्मुला म्हेमे ।
एला ताम एला मन्त्र एला आपाला लिउला सम्पत्ति हिन्न म्हेमे
म्हेमेकादे ङ्यान्सि चितोबा ताममुला चुरि
एला म्हेमेसे पिन्बा एसे सेदेताम ख्लासि थान्गो म्हेमे
जाम्बुलिङला ए देन्बा म्हेमे दोला स्यान्दो केवारिनोन
एला खाजिम आता म्हेमे
एला छेकुन बुर्कुनदा छार्बा सेना लासि थान्गो ह्या म्हेमे
एला आपासे पिन्बा ताम ख्राङसि आर्बोगो ह्या म्हेमे ।
कोन्ज्योसोम, ललितपुर