याम्बु । चैत ११ गते आईतबार रोशीला डम्फु पार्करि ‘तामाङ रैथाने संस्कृति पुनर्जागरण’ गेताङ स्हेङ्बा मुला ।
तामाङ डाजाङला समन्वयरि स्थानीय युवा समूह–रोशी ११ ला डिपा थेन टाशी चुक्ला खाङ गुम्बा अध्ययन केन्द्र , रोशी ११ काभ्रेला आयोजनारि चु गेताङ ताइ लाबा हिन्ना ।
गेताङ्रि काइबो फूलकुमार बम्जन, ब्रिखेन तेज योन्जन, काइबो पोङ्दिला च्याङ्बा, डम्फुरे स्वयम्बरसिंह लामा, काइमोजुगु प्रमिला मोक्तान, सारा थिङ थेन पारु लामासे ह्राङ्ह्राङ्ला प्रस्तुति पिन्सेला मुला ।
गेताङ ङ्योइसाङ्ला दुइसाङ्रि डाजाङला चोहो फूलकुमार बम्जनसे ह्राङ्ला सामाजिक सन्जालरि ब्रिस्ह्युमुला, ‘उच्चा शिक्षाला मिनरि फ्युक्पो ह्युलरि चुङ्बा ब्योन डोखेनजुगु दोसिआखासेला निस्चित मुला । मुतेबा नाम्सा नाम्सा बहुभासिक ह्युल्बाला हिन्ना गिकखे सासकसे याखारगिन धर्म याखारगिन ग्योइ काप्सि ग्याप्बा स्होबा मुबा, सभ्यता फ्याबा मुबा, ज्योन्काउ माउलिक थेन रैथाने संस्कृति पुनर्जागरण लाइ अस्तित्व, ङोसेबा, बहुसौंन्दर्यदा ल्हेना लाइ ।’