व्हाइखा ब्रिखेन दिलकुमारी डङ्गोल गेसे नर्स हिन्ना । ओजा नर्स दिलकुमारी डङ्गोलला ह्वाइखापोपला छ्योइ ‘ग्लोबारि ह्युल’ डोखेनजुगुला ओन्छाङ खाबा मुला ।
चु ताङबाला ताम हिन्ना ।
व्हाइखा ब्रिखेन दिलकुमारी डङ्गोलसे ङादा तिरेकुनु सुङ्मुबा, ‘ङाइ ह्राङला नर्सला थोरि ब्रिबा ह्वाइखाजुगुदा डोसि खामुला ।’
दिलकुमारी डङ्गोलह्राङ्बान नर्सजुगुदा ङाइ ङाम्तेसे ङोसेबारि म्याङ्मुला । ओजा नर्सजुगुला बाङ्से लासि ङाइ मानसिक वार्डन्हाङरि नोन ह्वाइखा ब्रिबारि म्याङ्मुबा । ओजा नर्सजुगुला बाङ्से लासि ङाइ मानसिक वार्डन्हाङरि नोन छ्योइजुगु डोबारि म्याङ्मुबा ।
दात्ते ओजा रेजुगुदा डान्सि खाबा दुइरि ताङ्बा खामुला ।
नर्ससे ङादा चेकाइ लाजि । नर्ससे ङादा सायार लाजि । नर्ससे ङादा सेमरि थान्जि । नर्ससे ङादा तिङ्रि थान्जि । ङादा ह्वाइखा ब्रिबारि बाङ दोन्जि । ङादा छ्योइ डोबारि बाङ दोन्जि । मानसिक वार्डन्हाङ्रि ङा ओराङ नोन आटिजि, ह्वाइखा ब्रिसि टिजि । मानसिक वार्डन्हाङरि ङा ओराङ नोन आटिजि, छ्योइ डोसि टिजि । ह्वाइखा ब्रिबारि ङादा नर्सजुगुसे ब्रिगु थेन डायरि दोन्जि । डोबादा लागिरि ङादा नर्सजुगुसे ङादा सेम निबा छ्योइ दोन्जि । ङाइ मानसिक वार्डन्हाङरि ल्हानान ह्वाइखाजुगु ब्रिसि खामुबा । ङाइ मानसिक वार्डन्हाङरि ल्हानान छ्योइजुगु डोसि खामुबा । ओराङ लासि ङाइ ह्वाइखा ब्रिबारि नर्सजुगुला या मुबा । ङ्हाज्याङ या मुबा । ओराङ लासि ङाइ छ्योइ डोबारि नर्सजुगुला बाङ मुबा ।
ङ्हाज्याङ बाङ मुबा ।
ङ्हाच्छा ङ्हाच्छा ङाला ह्वाइखाजुगु ‘अक्कल लामा’ मिनग्यामसे स्योस्योरि छिसि खामुबा । मानसिक वार्डरि भर्ना तासि टिबा दुइरिन गिक्खे नर्ससे ङादा ‘ईश्वर थोकर’ मिनग्यामसे होइबा चुजि । थेलिच्छा ङाइ ओजा नर्ससे थान्बा ङाला ‘ईश्वर थोकर’ मिनग्यामसे ह्वाइखा ब्रिबा चुजि ।
ओजा नर्सला मिन ‘कुसुम’ मुबा ।
नर्सला थोरि ङाइ तिल्दा चुराङ्बा ल्हेङमो थुइसि टिबाबिसाम; ‘ग्लोबारि ह्युल’ मिनला छ्योइला ह्वाइखा ब्रिखेन दिलकुमारी डङ्गोलए नोन गिक्खे नर्स हिन्ना । ह्वाइखा ब्रिखेन दिलकुमारी डङ्गोलसे ङादा तिरेकुनु सुङ्मुबा, ‘ङाला गिक्छा प्राथमिकतारि बिमारी ताला । थेलिच्छा चे ह्वाइखा ताला ।’
व्हाइखाब्रिखेन दिलकुमारी डंगोल
ह्वाइखा ब्रिखेन दिलकुमारी डङ्गोल गिक्खे देन्बा नर्स हिन्ना । ह्राङसे ब्रिबा ह्वाइखाजुगुदा कादे चेकाइ ताला, ओदेन ह्राङ्से सायार लासि खाबा बिमारीजुगु ताइ नोन ओदेन चेकाइ लासि खामुला । दिलकुमारी डङ्गोल गिक्खे देन्बा ह्वाइखा ब्रिखेन हिन्ना । दिलकुमारी डङ्गोल गिक्खे देन्बा नर्स हिन्ना । म्लेसि म्लेबारि आखाम्बा ह्वाइखा ब्रिखेन हिन्ना– दिलकुमारी डङ्गोल । म्लेसि म्लेबारि आखाम्बा नर्स हिन्ना– दिलकुमारी डङ्गोल । ह्वाइखा ब्रिखेनला रुपरि डोखेनजुगुसे डान्सिन टिला– दिलकुमारी डङ्गोलदा । नर्सला रुपरि बिमारीजुगुसे डान्सिन टिला– दिलकुमारी डङ्गोलदा ।
डान्सिन टिला ।
‘ग्लोबारि ह्युल’दा ङाइ ह्वाइखा ब्रिखेन दिलकुमारी डङ्गोलला याग्यामसेन याङमुबा । ‘ग्लोबारि ह्युल’दा ङाइ नर्स दिलकुमारी डङ्गोलला याग्यामसेन याङमुबा । गिक्खे नर्ससे ब्रिबा ह्वाइखापोपला छ्योइ ‘ग्लोबारि ह्युल’दा डोबारि म्याङ्सि ङाला सेम ताङ्सि टिमुला ।
फुरफुर ताङ्सि टिमुला ।
गिक्खे अस्पतालरि भर्ना तासि टिबा दुइरि ङाइ गिक्खे नर्सदा ह्रुप तामुबा । ओजा नर्सला मिन ‘वन्दना पोखरेल’ हिन्ना । नर्स ‘वन्दना पोखरेल’से ङादा सुङमुबा, ‘ङाइए नोन रापजुगु ब्रिसि खामुला ।’
अस्पतालरि ङाइ ह्रुप ताबा ब्रिखेन नर्सजुगुरि ‘वन्दना पोखरेल’चे हिन्ना ।
नर्सजुगुसे ह्वाइखा ब्रिबा म्राङसि ङाला सेम ताङसि खामुला । नर्सजुगुसे राप ब्रिबा म्राङ्सि ङाला सेम ताङ्सि खामुला ।
फुरफुर ताङसि खामुला ।
चु ताङ्बालान ताङरि नर्स÷ह्वाइखा ब्रिखेन दिलकुमारी डङ्गोलला गिक्खे ह्वाइखारि निसि ङा थेन ताजि–
‘… ङा केबा दिमसे डान्मा
ङाला मिग्यामसे स्योङ ब्योङला ।’
1 comment
समीक्षाको नेपाली अनुवाद पनि पढ्न पाएको भए कवि ईश्वर थोकरज्यूको कविता कृतिमाथिको दृष्टिकोण बुझ्न सजिलो हुन्थ्यो । आशा छ । उहाँबाट हाम्रो चाहाना अवश्य संबोधन हुने नै छ ।