ह्वाइखा ब्रिखेन मिथोचसे ङादा ‘मेला सेरगेम’ मिनला ह्राङ्ला छ्योइ दोन्बान सुङ्जि, ‘ईश्वर ह्रो, चु छ्योइ ह्राङ्दा ताजि ।’
फुर ताङ्बान ङाइ ह्वाइखा ब्रिखेन मिथोचला ओजा छ्योइदा स्योम्जि । स्योम्सिन टिजि ।
ङादा सेम निबा ह्वाइखा ब्रिखेनजुगुरि ह्वाइखा ब्रिखेन मिथोच नोन गिक हिन्ना । ङाला तिङ नाबा ह्वाइखा ब्रिखेनजुगुरि ह्वाइखा ब्रिखेन मिथोच नोन गिक हिन्ना । ह्वाइखा ब्रिखेन मिथोचला ‘मेला सेरगेम’ मिनला छ्योइदा ङाइ सागिरिन डोसि जिन्जि । ह्वाइखा ब्रिखेन मिथोचला ‘मेला सेरगेम’दा ङाइ छिन्नाङगिरिन डोसि जिन्जि । ‘मेला सेरगेम’दा ङाइ डोसिन टिजि, थेन आटिना । ‘मेला सेरगेम’दा ङाइ डोसिन टिजि, सोत आपुइना । डोसिन टिजि ।
थेन आटिना, सोत आपुइना ।
ह्वाइखा ब्रिखेन मिथोचला ह्वाइखारि ङाइ देन्बा ह्वाइखा स्याप्जि । ह्वाइखा ब्रिखेन मिथोचला ह्वाइखारि ङाइ चाङमा ह्वाइखा याङ्जि । ह्वाइखा ब्रिखेन मिथोचला ह्वाइखारि ङाइ तिङ्मा ह्वाइखा म्राङ्जि । ह्वाइखा ब्रिखेन मिथोचसे ह्राङला ह्वाइखारि ग्रेनग्रेन तामजुगु थुइसि खाबा आम्राङनि । ह्वाइखा ब्रिखेन मिथोचसे ह्राङ्ला ह्वाइखारि ङ्हाज्याङ ङ्हाज्याङ ल्हेङमोजुगु थुइसि खाबा आयाङ्नि । ह्राङ थेन ह्राङ्ला समुदायला रापदा ह्राङ्ला ह्वाइखाजुगुरि ह्वाइखा ब्रिखेन मिथोचसे ज्यानालासि थुइसि खाबा म्राङ्मुला । ह्राङ्ला ह्वाइखाजुगुरि ह्वाइखा ब्रिखेन मिथोचसे ह्राङ थेन ह्राङ्ला समुदायला रिमठिमदा ज्यानालासि थुइसि खाबा म्राङमुला । ह्वाइखा ब्रिखेन मिथोचला ह्वाइखारि ह्यालाइ मुला ।
ङाइ चु बिला ।
ह्रुप तामाहेन्देन ह्वाइखा ब्रिखेन मिथोच थेन ङा प्रे नोन मुला । ह्वाइखा ब्रिखेन मिथोचसे ङादा कादे चेकाइ लासि खामुला, ओदेन ङाला ह्वाइखा ताइ नोन ह्वाइखा ब्रिखेन मिथोचसे चेकाइ लासि खामुला । ह्वाइखा ब्रिखेन मिथोचदा ङाइ कादे चेकाइ लासि खामुला, ओदेन ङाइ ह्वाइखा ब्रिखेन मिथोच ताइ नोन चेकाइ लासि खामुला । ह्वाइखा ब्रिखेन मिथोच देन्बा ह्वाइखा ब्रिखेन हिन्ना । छाङ्मान डोखेनजुगुला सेमरि टिबारि खाम्बा ह्वाइखा ब्रिखेन हिन्ना, ह्वाइखा ब्रिखेन मिथोच । छाङ्मान डोखेनजुगुला तिङरि टिबारि खाम्बा ह्वाइखा ब्रिखेन हिन्ना, ह्वाइखा ब्रिखेन मिथोच ।
ह्वाइखा ब्रिखेन मिथोचला ‘मेला सेरगेम’से चु बिला–
‘… फ्रुम ग्यामसे
तिला ल्हुइ
फ्रुमगि ब्लु
फ्रुमगि का
फ्रुमगि टु
फ्रुमगि मिख्लि
फ्रुमगि ङोसेबा
बिगेले
फ्रुम नोन दोसि ब्योङ्सि टिला ।’