साङ्गुलसे छित्पा दिम ब्याङ्सि सुखला छारदिम स्होबारि
ङोसेबा ह्याङ्ला तामाङसालिङ हिन्ना
थेदा चिवारि थान्सि तामाङ ह्युल्रि
गर्व लाबान ताङ्बा, नेबा लाबारि
मोकोन डिक्सि ह्युलरि छारग्यालाम तात्बारि
खाउ संघर्ष लागे दारेम दुइ चुनोन हिन्ना ।
ह्युलरि साङ्गुल खासिमाम दिम गुर्ना लसाइ
ह्युलरि साङ्गुल खाजि
दारेम म्हि सिना थेन म्हिला सेम क्युत्ना लासाइ
याम्बुला धराहरा क्युत्ना
नाम भल खासि डुइहोम निना लासाइ
ल्हुइसे होत्बा ख्याबा कोन कोन्साइ
सेमरि छार छार विचार पुइतासि
मिरि मिख्लि, सेमरि दोपदोप लासि चिबा ह्युलरि
सेम ताङ्ना लाबारि
खाउ सेना गोना लागे दारेम दुइ चुनोन हिन्ना ।
सरकारसे पिन्ला बिसि आचिउ रुङसि
ह्राङ्ला सारि साङा, बु सुसिन चातोला
ह्याङ तामाङला ताम्सालिङ ह्युलठिम बातोला
पिङगाइ पोलोला खोले चासिनाम
ह्युलठिम सोबारि ङाच्छा डिक्सि ब्रातोला
खाउ संघर्ष लागे दारेम दुइ चुनोन हिन्ना ।
दुधपोखरि, दोलखा