ज्योज्योआले, नानाआङा मुग्लानरि निसि
सोम्दिङ तासि जिन्जि !
आपाआमाला मि स्हुखासि जिन्जि एन्ना ग्याम च्यासि
मिख्लिसे ग्याम कासि चिमुला फ्यासि फ्यासि ।
ए दोसि हाबा ग्यालम च्याना च्याना
काङ या ब्लाब्सि जिन्जि ल्हा ल्हुङ (ब्यासि) ब्राना ब्राना ।
हाइमा एला आले आङा चौतारारि दुइ पुइला ?
हाइमाम एन्दान डान्सि हान ग्युरो दोइ पुइसि ब्राला ।
फिग्र्याप ह्युल चक्लेट्ला आस लासि चिना चिना
आले आङालाइ नोन काङ या ब्लाब्सि जिन्जि ।
मुग्लानला थे लेप्पा दिनिसे एन्दा कादे क्रोजि
कादेन ह्युल्बाला ज्योज्यो आले सिजि ।
साङ्ग्युर हाजि छेप्पासे गुर्सि सिजि रो
कोइ म्हेर्बा ग्लारि सा बु निजि रो ।
ह्यङ्ला ह्युल्बाला गेन चोहोसे
ग्यार्च ब्लि न्होर पिन्साइ ताला बिबासे
ह्युलला ज्योज्यो आले नाना आङासे दुख नातोजि
च्याङ्ना ज्यालारि गे लासि चितोजि ।
आपा आमाला म्हाङ हाइमा पूरा तला ?
दुङाल नोन दुङालरि ल्हुइ पुइबाइगेन मुला
हाइमा ङाला जा जामे दिमरि हाला बिमुला ।
घ्याङलेख गाउँपालिका, रामपुर, सिन्धुली ।
