पोदोला ङाइ आमाला स्यामा
ग्लुदोला आपाला दमला मान
ख्यादोला ङाइ बोबा दिमला गाराकादे
र म्राङदोला ङाइ आथुम्बा म्हाङ
अनि ब्रादोला ज्या आहाम्बा गोङमाकादे ।
हिन्ना ङाइ पोना पोना
ह्राङ केबा दिमनोन पोदोला
अङगाल्दिदोला थे आसेबा म्हिदा
सम्हाल्दिदोला थे आसेबा दिम
रेट्दिसि ह्राङलान ताङबा
ताङना लादोला थेनिकादेदा
बिरानो तामुला ह्राङ क्लाङबा थे ख्राङगा
अनि डोन्बो दोमुला ह्राङ केबा दिमरि ।
पोदोला दारेम ङाइ ह्राङलान सेम
ओझेल लादोला मिला मिख्लिकादे
थेनसम्हाल्दिदोला ह्राङदान
कठोर सेम थोसि ब्रादोला दारेम
हाल्से बिला जामेकोलातेन सहनसिलता आता बिसि
थेनोन सहनसिलतासे लासि जाम्मान त्याग्दिसि
म्हिला दिम जेना लाबारि हाबा मुला
म्हिला ताङबा म्हाइना म्हाइना ह्राङ थान थान
ताबा म्हिदा जामेकोला पाङबा मुला ।
चन्द्रपुर–१, मंगलपुर, रौतहट