म्हिला ह्युलरि चिबा
सेममिम आरेमुबा ङादा
दिमम्हेला जिम्मेवारि
बामरि खाजि ङादा
ल्हानान न्होर छाला बिसि
ज्याबा म्हाङ थोसि खाजि
दिमरि आज्याबा साङग्युर थेमा
ङा म्हाङरि वा ङोन्छुप ताजि ।
म्हिला ह्युलरि टुला भाल पुइसि
गे लाजिम्हाम
आपा सिजि बिसि दिमग्याम थेमा
रे नोन ङादा म्हुनताजिम
ङा दिमग्याम थोन्बा दुइसाङरि
ज्याबा तगाई बिसि मोलम लास्युजिम
दिमरि दोसि ङा खामा
ख्राङगारि आपाला दाज्र्यु क्याजिन्जिम ।
म्हिला ह्युलरि ब्राना ब्रानान
दिमरि आपाला लि च्याआम्याङ्नि
चु दैव कादे निष्ठुरि ताजि
ङाला आपातेन ह्रुप ताआपुङ्नि
म्हिला ह्युल्ला ठिमसे ङादा
आपा सिमान दिमरि खाआपुङ्नि
ङादा माफ लासि पिन्गो
आपा ह्राङ सिमा
दुर्सागाङरि क्युइनोन ख्वाआहाम्नि ।
ह्याङ्ला ह्युल्ला ठिमसे
म्हिला ह्युलरि निबा ठिम स्होजि
ह्युल्ला मोक्कोन ज्योज्योआले
नानाआङा दुखसे म्हिला ह्युलरि निदोजि
कादे ज्योज्योआले नानाआङासे
ह्राङला दिमथेमे ह्राङला म्हि
ह्रुप ताआम्याङ्नि
चु ह्युल्ला ठिमसे ह्राङ्लान ह्युलरि
गे पिनआखाम्नि ।
आपा ह्राङ ज्याबा ल्हारि दोगाइ
आज्याबा भारज्या खाइमाइ आहागाइ
छार ग्यालमरि दुङाल आताना
साङ्गेता नाङसाल म्हारमेन फुलथान्ना ।
घ्याङलेख गाउँपालिका वडा नं–५, बुदुमचुली, सिन्धुली ।