दाङ्पो आखेम्हेमेचे
माम म्हेमेचे
नङबे मुलाम
अया कोन–कोम्मेचे
सेप्प्र चुङजाम अन्न ग्युर्को
युङ्बा चुङजाम टाङ्गा ग्युर्को
सिङ चुङजाम दरबार ग्युर्को
याबे सि डान्को
ङेबे गो गाप्को
दिवामाइ
यापचेन ग्याल्पो आपाचे
युमचेन ग्याल्मो आमाचे
नङबे मुलाम
अया कोलामा जा चामे
ब्राइ ङिजाम च्येमा जुसि
क्यिइ ङिजाम चाम जुसि
नापा छापा तोर्चे ज्याङ
त ङक ल्हाबाचे बोर्सि
मोर्चे चङ्बु गेन्दिचे बोर्सि
रा, ग्युचे खोर प्लिङसि
इा गोदिचे ल्हा प्लिङ्सि
केबाम जा चामे केसि
स्होबाम न्होर स्होसि
गगाकिकिले छोसि चबे मुलाम छल्सि
तिनिनम्स्यो इन्जाम
सेमि मेम्बेदेन डुब्सि
आखेम्हेमेइ मुलाम
ङ्याङ कोन कोम्मेचे डुब्जएन
सम्पेदेन डुब्ला
आपा तिङ आमाचे नङबे सुङलाप ओले
ङ्याङ्जे मेम्पेइ देन डुब्ला
नुसि टिसि
छेसि, बङ्सि ब्राजाम
म्हिचे म्हारगि फोल्दोङ स्याब्लेना
ङ्याङजे म्हेइ क्लिए स्याप्से आरे
ओते बेलाइ
क्रासि टितोला
मिक्लि ताइसि ब्रातोला
अयउ आमा पाङलेन
डेन्छेन चवइ लामा डेनलेन
ल्हाल्हामोता क्याप्सुनछेलेन
सेमि मेम्पेदेन डुप्से आरे ।