ग्यार्जा सोम दिङ ङाच्छा
ग्लेखाङ ब्यान्सि
लिङ्गाडि ताबा तामाङ हिन्ना ङा ।
ङादा पेबा लोङ्बा डोबा
तिलाइ आरे
मासिजिन्जि
आखेसे स्हेङ्सि थान्बा तामाङ ना
थेनोन ठोक क्युइसि जिन्जि
आरे दारेम ङातेन
ङाला ज्याबा दोङराप हिन्ना बिसि
ना फेरफेर लासि
कुतोसि तोसि पाङतोबा
दुन्छुर बोन्नला सेराप ह्राङबा
रापकादे ।
ङाला चु तिङ सोनालाबारि
चुङ्सि जिन्जि ङाला ग्योइ
ठुङसा, बाप्सा, दुर्सा, ह्युल्सा
म्होकोन रिमठिम लालु
ख्लासिजिन्जि ङाइ ।
दारेम ङातेन मुला पोलो डाप्तेन मेस्या चासि
ङादा ल्हुइ पिन्बा
ङ्हे ख्वाबा आमाला छे
थेलान चेल्बाङ गि दितो
चिनो मुला ङातेन
तामाङ तिङ ।
ङा लाइनु मुमान
चुङ्सि जिन्जिम ङाइ
आपाला नाख्रुला काङलिङ
ह्राङ्लान आमाला बिगौति ङ्हे
नाना आङाला पाठेघर
गोरङि मि, गोरङि न्हयाब्याङ
सुङरि काइ थान्बाचिम
ज्यार्दि वाद ला किलिङ ।
सो चिबा चिम ङा
खोरवारि ख्याम्बा
छेन्दे ह्राङ लासि
बाङ लासि ब्राबाजिम
बु एगे एगे बिसि
तुमथान्बजिम ङादा
ग्वाङगालिङला
जाङ ह्राङ
ज्यार्दिला जोनाइसे ।
भद्रकालि, सिन्धुली