स्यान्दा सोत सोत याङबा डम्फु
ङादाम डाक डाक ल्हिमु
पट्टिगि तामाङ रिमठिम ताम्बा म्राङमु
पट्टिगि स्यान्से बात्तिस किला म्राङमा
ङासे च्युइ सोमसे ङि साङगे म्राङमु
च्युइसे ङि ताल थेमु
थेतासि
स्यान्दा सोत सोत याङबा डम्फु
ङादाम डाक डाक ल्हिमु ।
डाम्फुरि मुबा
साछ्या नाम्छ्या दोङरापला ह्वाइ
अहाकक ङासे कोआखाम्मु
फाटाङ ज्याङछ्युब थेन डासिन डोल्मोला
ब्रेल्साङला काहानि
फ्याङ सेसि स्युबा लानिदिनि
अहाकक ङासे को आसेमु
थेतासि
स्यान्दा सोत सोत याङबा डम्फु
ङादाम डाक डाक ल्हिमु ।
अहाकक ङासे को आखाम्मु
ताम्बा म्हेमे आखेसे ह्राङबा ह्वाइ
गुरू रिन्र्पोछेसे फुम्बा ङिस निङगु
छ्योइसि भट्टिला नानदेन बाजि डाबा ह्वाइ
अहाकक ङासे को आखाम्मु
आखेम ताम्बा माम ह्वाम्बा डम्फुला ह्वाइसे रो
ङाइएन डम्फुला ह्वाइ कोसेबा हिन्साम
ल्होछार मेलारि छामेगि ह्वाम्खाम्सेला मुलाताला
अहाकक ङासे को आखाम्मु
थेतासि
स्यान्दा सोत सोत याङबा डम्फु
ङादाम डाक डाक ल्हिमु ।
साङगेदा साङ सेरग्याम्ला ह्वाइ
अहाकक ङासे कोआखाम्मु
फारपरि मिन मुबा गुरू ताम्बा कादेदै
ताम्बा आखेसे ह्राङ
डम्फुला ह्वाइसे क्योङ आखाम्मु
थेतासि
स्यान्दा सोत सोत याङबा डम्फु
ङादाम डाक डाक ल्हिमु ।
तिमाल, काभ्रे