बास्ना खाबा स्योङला छेउ छेउरि
बागमति गाउँपालिका थेन भिमफेदि गाउँपालिका ।
माथाङ दोबादेन बकैया थेन महांकाल गाउँपालिका
ह्याङलान तिङरि खिसि डिक्सि चिबा गाउँपालिका ।
बागमति एला थोबो हेन्से काङदोना
सेमरि खिथान्बा मिन
एलान मिन किन्छि चिबा थे गाउँ पालिकाला तिङरि
एसे थान्बा कि आथान्बा
गि हेन्से ङिस दोना मुबा एला सन्तान गिक लाबारि
कोर्बान ह्राङला पहिचान सेङबारि ह्राङ ब्राबा कि आब्राबा ।
बागमति तिनि दोना एसे पिन्बा क्युइ थुङबान
एला कुरि छार्बा ङा कुकि एला सन्तान
ह्राङदा ह्राङला मिन किन्बान तिनि ङा छट्पटिरि
ह्राङलान तिङ खिसि चिबा ङा जा कोला ।
बागमति एदा सिङगार तिबा उदेश्य थोसि खाबा जनप्रतिनिधि
एला तिङ थिबा उदेश्यकिन्सि खाबा मुला देबे
म्हेमे आखेसे स्हेङबा रिमठिम थिबा दबाइ तिबारि देबे
थे ताबासे बागमति एदा चुनौतिकादे ल्हानान मुला देबे ।
खाइमाहान्डो खाइमा ग्युरुताबान चिबा बागमति ए
ह्राङला अस्तित्व किन्बादा
जा जामे तिनि नाङगर लडाइरि निबान मुला देबे
थेराङ ताबासे बागमति ह्राङला अस्तित्व मानालाबादा दोप आहिन
याल ताना लासि चिदोबा मुला देबे
बागमति गाउँपालिका–४, प्युटार ललितपुर