गान्बासे डेन्बा लाबा दुइरि
या गिकला आइरक थेन
या गिकला कोम्हेन्दोसे छ्योत लाबन
सगुन पोङ ठास्युजि,
हो थेनोन दुइ हान्छे
ङा पाराङला ताजि
पाराङ ङाला ताजि ।
ह्याङ ज्याबा गेला लागिरि
ज्याबा दुइला लागिरि
बेनान ज्याबा ताम कादेला लागिरि
कोम्हेन्दोसे, रङगबलासी ह्याङ्ला या थेन ङ्होकादे
ज्याबा भाग्य ब्रिबा लामुला ।
कोम्हेन्दो चुह्राङ्बा म्हेन्दो हिन्ना ।
थेदा खाजिबाइतेन कोत्परि आखाम ।
थे रस थेन सिप्पा भमरा
सिल्बा ब्योङ्बा लाबा
लेप्पा दिनि थेन जेबा लानि
ह्रि थेन गाङहोप, नेबा पाडाम्हेन्दो
थेन गुम्बाला मोने,
थेनिकादे ह्राङरिन चाङमा (चोखो) तासाइनोन
कोम्हेन्दोदा थुर्बारि आयाङ
तिल्दा विसाम,
कोम्हेन्दो चुह्राङ्बा म्हेन्दो हिन्ना
जो चु जाम्बुलिङ्ला
ला, कु बिमानोन ग्रेन दाज्र्यु मुला ।
पाराङ ङा कोम्हेन्दो हिन्ना
कोम्हेन्दो केवा पिन्बा आमा हिन्ना
कोम्हेन्दो ह्राङरिन गिक रिमठिम हिन्ना
कोम्हेन्दो ह्राङरिन गिक दोङराप हिन्ना
थे कोम्हेन्दो न्हाङरिन सग्लो तामाङ ङोसेबा
चु कोम्हेन्दो न्हाङरि सग्लो ए मुला
ङा थे कोम्हेन्दोदा तेन थान्ना
ए ङादा चेगाइ लाउ ।
रामेछाप ।