‘ओस्सो च्यामा थे ओते जेबा म्हिमि आहिन तासाइ नोन थेसे रेदाङसे छार छार छामेजुगु खाराङ लासि थो ब्राला ?’ ङाइ म्हान्ना ।
‘थे सामान्य सरकारि जागिरे हिन्ना तासाइ नोन थेदा रेदाङ्से दोहोरि रेस्टुरेन्ट निबारि खाराङ लासि छ्योचिमुला ?’ ङाइ दोसि म्हान्ना ।
ङानि ङ्हाच्छारि याखारगिन दिमरि भाडारि चिमुबा । क्योलोलो छार दिम ग्लुसि थे डेराग्याम मुक्त तामुला ।
‘नाम्साला च्याङ्ना बु व्हारा चुङ्सि सहररि दिम ग्लुबारिम गाह्रोन ताला तासाइ नोन थेसे दिम खाराङ लासि ग्लुजि ?’ ङा नुप्बा म्हान्बारि मुला ।
ङ्हाच्छा ङ्हाच्छारि छ्याम नोन अफिसरि निमुबा ङानि । तिनिन्हाङ्गार थे ह्राङ्लान गाडिरि छ्योङ्बा लामुला । पदोन्नति नोन ताबा आरे । जा जामे माङ्ग्यार ह्युलरि छाबारि निबा नोन आरे । दोसि खाजिबाइ चिठ्ठा परतिबा नोन आरे । ‘म्हिसे खाराङ लासि प्रगति लाला होइ ?’ ङाइ म्हान्बारि बाध्य ताबा मुला ।
खाङ्बाला दुइ मुबा । दिनि दुबारि बिसि ङा घरबेटिला दिमला छतरि ह्योङ्चिबा मुबा । माङ सडकरि रमिता म्राङ्जि । गोमा थाहा ताजि, थेला दिमरि अख्तियारसे छापा छेप्सि थेदा चुङ्सि बोर्जिम । थेलिच्छा बिसाम ङाइ थेला बारे म्हान्बारिन ख्लापिन्जि ।