12
गिक्खे फ्युक्पो थेन गिक्खे प्राङबो नाम्साला न्हानरि चिसि ताम लाचिमुबा ।
‘एदा ङाइ बिस रुप्पे पिन्जि बिसाम एसे ङादा फ् लाला ?’ फ्युक्पोसे प्राङबोदा ङ्योइजि ।
‘चुमि तरिका नोन आतानि म्हाले, पाजि बिस रुप्पेला लागि नोन ङाइ एदा फ्या लाला ?’ प्राङबोसे पाङजि ।
‘ङाइ एदा ङाला गाङसाल सम्पति पिन्जि बिसाम नि ?’ फ्युक्पोसे दोसि ङ्योइजि ।
‘गाङसाल सम्पति याङमाहेन्सेम ङाए नोन एतेन च्योच्यो ताला, आसेम ङाइ एदा तिल्दा फ्या लासे ?’ प्राङबोसे जवाफ पिन्जि ।
‘ङाइ ङाला मुतेबान सम्पति पिन्जि बिसामचा फ्या लाला ओम ?’ फ्युक्पो मुसुक्क ङसि ङ्योइजि ।
प्राङबो गम्भिर तासि जवाफ पिन्जि, ‘एला मुतेबान सम्पति याङजि बिसाम ङा एला ग्लारि तासेला मुला, ए ङाला ग्लारि तासेला मुला । थेदुइरि नोन एदा फ्या लाबारि जरुरत तासेला आरे ।’
(चिनिया साराप, दोबाः अगाध)
